ده‌نگمان بۆ ئێوه‌ كه‌ئێوه‌ش ده‌نگتان بۆ ئێمه‌یه‌
ئاماده‌كردنی: ئه‌حمه‌د موحه‌مه‌د سه‌نگاوی

هه‌ینی-24-ته‌ممووز(مانگی 7)-2009-

فه‌لسه‌فه‌ی هه‌مووكارێكی چاكسازی یان خزمه‌تگوزاری دڵسۆزی و له‌خۆ بوردووییه‌ بۆیه‌ ده‌كرێت ئاواتێكی گه‌وره‌مان به‌ولیسته‌ هه‌بێت كه‌په‌یامی خزمه‌ت گوزاری و چاكسازی به‌رز كردۆته‌وه‌ ئه‌و له‌خۆبردویو دڵسۆزییه‌ی من له‌م لیسته‌دا ده‌یبینم ئه‌وه‌یه‌ كه‌وا به‌بێ گوێدانه‌ پڕوپاگه‌نده‌ی نه‌یاره‌كانیان ده‌ست له‌ده‌ست وقوه‌ت له‌ خوا به‌بێ هیچ ترس و دڵه‌ ڕاوكێیه‌ك چه‌ندین ساڵه‌ په‌یامی برایه‌تی و پێكه‌وه‌ ژیانیان هه‌ڵ كردووه‌ و دڵسۆزانه‌ له‌ومه‌یدانه‌دا كارده‌كه‌ن له‌هه‌مان كاتیشدا ئه‌وه‌ی كه‌لێیان چاوه‌ڕوان ده‌كرا كه‌یه‌ك گرتنیان بوو به‌یه‌ك لیست به‌كوێرایی دوژمنانی گه‌له‌كه‌مان لیستی خزمه‌تگوزاری و چاكسازیان ڕاگه‌یاند كه‌وا سه‌رده‌مانێكه‌ دووژمنانی گه‌له‌كه‌مان له‌هه‌وڵی جیاكردنه‌وه‌و ناته‌بایی نێوان هێزه‌ شۆڕش گێڕه‌كانی كوردستانن به‌ڵام له‌ڕوی هه‌ست كردن به‌لێپرسراوێتی و وه‌لانانی هه‌رچی ناكۆكی و دووبه‌ره‌كی له‌ڕابردوودا و پیاكردنی ئاوی برایه‌تی به‌ئاگری دووبه‌ره‌كی و ناكۆكیدا چوار ڕه‌نگی جیاواز بۆ چوارڕه‌نگی یه‌كگرتوو مایه‌ی ده‌ست خۆشی وخۆش حاڵی زۆرینه‌ی خه‌ڵكی كوردستانه‌ وئاوه‌تی له‌مێژینه‌ی گه‌لی كوردستانیشه‌ بۆیه‌ به‌هه‌مووچین و توێژه‌كانی كوردستان هه‌ر له‌زانایانی ئاینی ومامۆستاو ڕۆشنبیران و زۆرێكیش له‌سیاسه‌ت مه‌داران كاسب كاران و تێكڕایی خه‌ڵكی كوردستان پێشوازییه‌كی گه‌رمیان له‌ڕاگه‌یاندنی ئه‌م لیسته‌كرد له‌هه‌مان كاتیشدا ئاواته‌ خوازبوون هه‌موولیسته‌ جیاوازه‌كان له‌هه‌وڵكی ئاوا دڵسۆزانه‌ی ئه‌م چوارحزبه‌دا ئه‌وانیش یه‌كیان بگرتایه‌ تابه‌هه‌موو لایه‌ك ڕووبه‌ڕوی دوژمنانی گه‌له‌كه‌مان و گه‌نده‌ڵكارانی ناوخۆ بووه‌ستێنه‌وه‌.لیستی بیروبۆچونه‌ جیاوازه‌كان لیستی سه‌ركه‌وتووی ئاینده‌ی په‌ڕله‌مانه‌ و زۆرینه‌ی جه‌ماوه‌ری كوردستان ده‌نگی خۆی ده‌داته‌ ئه‌و لیسته‌ی كه‌ په‌یامی خزمه‌ت گوزاری و چاكسازییه‌ بۆیه‌ من ده‌ڵێم :
[ده‌نگمان بۆ ئێوه‌ كه‌ئێوه‌ش ده‌نگتان بۆ ئێمه‌یه‌].